போரிஸ் பெக்கர் – டென்னிஸில் வெற்றி வாகை சூடியவர் வாழ்விலிருந்து நாம் கற்க வேண்டிய முதலீட்டு பாடம்

போரிஸ் பெக்கர் – எண்பதுகளில் டென்னிஸ் பார்த்தவர்கள் யாரும் இப்பெயரை மறந்து விட முடியாது. Serve and Volley யின் கிங் போரிஸ் பெக்கர். இவர் விளையாடி பெற்ற பரிசுப்பணம் $ 25 மில்லியன், எண்டார்ஸ்மெண்ட்டிலும் நிறைய சம்பாதித்தார். தற்போது 50 வயதாகும் பெக்கர் 2017 லேயே திவால் நோட்டீஸ் கொடுத்தார், கடன்களை அடைக்க தன்னுடைய மெடல்களையும் கப்புகளையும், புகைப்படங்களையும் ஏலத்துக்கு விடறாராம்.. அவர் வாழ்க்கை அனைவருக்கும் ஒரு பாடம். வருமானம் ஈட்டினால் மட்டும் போதாது, அதை ஒழுங்கா பாதுகாக்கவும் தெரியணும். சம்பாதிக்கும் போதே நல்ல முறையில் முதலீடு செய்து சேமிக்கும் பணம் வாழ்நாள் முழுதும் இருக்குமாறு பார்த்துக் கொள்ள வேண்டும்.

https://www.business-standard.com/article/sports/tennis-legend-boris-becker-to-auction-trophies-souvenirs-to-pay-debt-119062400496_1.html

Please follow and like us:
error

RIP – Rest in Peace + Retire in Peace

பிரபலமான ஒருவர் இறந்தால் ஆயிரமாயிரம் RIP க்கள் போடறோம், நமக்கு ரெண்டு RIPக்கள் தேவை. அதையும் கொஞ்சம் கவனிக்கலாமே

முதல் RIP – Rest in Peace உண்மையிலேயே நாம் அமைதியாக உறங்க வேண்டுமென்றால் அதற்கு குடும்பத்தின் பொருளாதார பாதுகாப்பை உறுதி செய்ய வேண்டும். அப்பாவின் இழப்பையும் அம்மாவின் இழப்பையும் ஈடுசெய்யவே முடியாது ஆனா அவர்களின் வருமானத்தை கண்டிப்பா ஈடு செய்ய முடியும். குடும்பத் தலைவர் தீடிரென இறந்தால் அவர் அடுத்த 20-30 ஆண்டுகள் ஈட்டியிருக்கக்கூடிய வருமானத்தை தரக்கூடியது டெர்ம் பாலிசி மட்டுமே. ஆண்டு வருமானத்தின் 10 முதல் 20 மடங்கு வரை டெர்ம் பாலிசி தவறாமல் எடுங்க

ரெண்டாவது RIP Retire in Peace 60 வயதில் வருமானம் ஈட்டுவது நின்றபின் பிள்ளைகள் கையை எதிர்பாத்து நிக்காமல் இருக்க வருமானம் ஈட்டும் போது சேமிக்கணும். சேமிப்பதுடன் நிற்காமல் அதை நல்ல முறையில் முதலீடு செய்யணும். PF, NPS, Mutual Funds, Fixed Income என்று நல்லதொரு Asset Allocation கொண்ட Portfolio உருவாக்கி முதலீடு செய்யுங்கள்

Please follow and like us:
error

முதலீட்டில் Asset Allocation ஏன் அதிமுக்கியமானது?

No photo description available.முதலீட்டில் Asset Allocation ஏன் அதிமுக்கியமானது என்று நாள் முழுக்க பாடம் எடுக்கலாம் அல்லது மிக மிக எளிதாக இப்படி ஒரு படத்திலேயே விளக்கி விட்டுப் போகலாம்.

Franklin Templeton நிறுவனம் வெளியிட்ட இப்படத்தில் 1994ம் ஆண்டு முதல் 2014ம் ஆண்டு வரை 20 ஆண்டுகள் ஓவ்வொரு ஆண்டும் அமெரிக்க பங்குச் சந்தையில் எவ்வகைப் பங்குகள் (லார்ஜ் கேப், ஸ்மால் கேப், பாண்ட், பிற நாடுகளின் ஈக்விட்டி இன்ன பிற) முதலிடம் பெற்றன விளக்கப்பட்டிருக்கிறது.

94ம் ஆண்டு நம்பர் 1ஆக இருந்த லார்ஜ் கேப் அடுத்த ஆண்டே 4 வது இடத்துக்கு போய்விட்டது, அதை விட்ட முக்கியம் 94ம் ஆண்டு அதள பாதாளத்தில் இருந்த BRIC Equities அடுத்த ஆண்டே நம்பர் 1 இடத்துக்கு வந்திருக்கு. அது மட்டுமல்ல 20 ஆண்டுகளில் நான்கு முறை அமெரிக்க கடன் பத்திரங்கள் (பாண்ட்) முதலிடத்தில் வந்திருக்கின்றன, க்ளோபல் பாண்ட் ஒரு முறை முதலிடம். அதாவது 20 ஆண்டுகளில் 5 முறை (25%) பாண்ட்கள் ஈக்விட்டியை விட அதிக ரிட்டர்ன் கொடுத்திருக்கின்றன.

லார்ஜ் கேப்ல போட்டா அதிக ரிட்டர்ன் வராது ஆனா முதலுக்கு நஷ்டம் வராது ( 3 முறை டாப், 3 முறை நெகடிவ் ரிட்டர்ன்ஸ்) ஸ்மால் கேப்ல எப்போதும் 20% க்கு மேல ரிட்டர்ன்ஸ் வரும் (ஒரே ஒரு முறைதான் டாப்ல வந்திருக்கு, 3 முறை நெகடிவ் ரிட்டர்னும் கொடுத்திருக்கு) பாண்ட்கள் எப்போதும் பாதுகாப்பானவை – இவை போன்ற Myth களை இப்படம் உடைக்கிறது

முதலீட்டாளர்கள் செய்யவேண்டியது அவர்தம் வயது, முதலீட்டின் காலம், Risk Appetite இவற்றைக் கணக்கில் எடுத்து ஒரு Balanced Portfolio உருவாக்கி தொடர்ந்து முதலீடு செய்வதே.

லார்ஜ் கேப், மிட் கேப், மல்ட்டி கேப், பாண்ட் அல்லது ஹைப்ரிட் மியூச்சுவல் ஃபண்ட் கொண்ட ஒரு முதலீட்டுத் தொகுப்பு (போர்ட்ஃபோலியோ) என்னைப் பொருத்தவரை ஒரு நல்ல போர்ட்ஃபோலியோ. இரண்டு அல்லது மூன்றாண்டுகளுக்குள் தேவைப்படும் பணத்தை ஈக்விட்டியில் வைக்காமல் இருப்பது நல்லது. அப்பணத்தை 4% வட்டி தரும் வங்கிக் கணக்கில் வைக்காமல் குறுகிய கால மியூச்சுவல் ஃபண்ட்களிலோ Fixed Maturity Plan களிலோ முதலீடு செய்து வைக்கலாம்.

Equity Linked Savings Plan (ELSS Mutual Funds) வருமானவரி விலக்கு தேவைப்படுவோருக்கு மட்டுனாது. தேவைப்படுவோர் மேலே சொன்ன ஃபண்ட்களில் ஈக்விட்டி ஃபண்ட் ஒன்றிற்கு பதிலாகவோ அல்லது ஐந்தாவது ஃபண்டாகவோ இதைத் தெரிவு செய்யலாம். வருமானவரி விலக்கு குறிக்கோளாக இல்லாதோர் இதை விலக்குதல் நலம். ELSS Mutual Funds பற்றி அடுத்த போஸ்ட் ஓரிரு நாட்களில்….

Please follow and like us:
error

Asset Allocation

No photo description available.

இதில் குறிப்பிடப்பட்டுள்ள அளவுகளில் எனக்கு ஒப்புதல் இல்லை என்றாலும், அசெட் அல்லோகேசனையும் வயது ஆக ஆக எப்படி முதலீட்டை திருத்தியமைத்துக் கொண்டு வரவேண்டும் என்பதையும் இதை விட எளிதாக விளக்கிவிட முடியாது. 

இளம் வயதில் ஈக்விட்டி அதிகமாகவும் கடன் பத்திரம் / ஃபிக்ஸ்ட் இன்கம் கேட்டகரியில் கம்மியாகவும் ஆரம்பிக்கவேண்டும். அதுவும் ஈக்விட்டியில் ரிஸ்க் அதிகமான மிட்கேப்பில் நிறைய முதலீடு செய்யலாம் (தனிப்பட்ட முறையில் எனக்க்கு ஸ்மால் கேப் ஃபண்ட்களில் நாட்டமில்லை) 
சந்தை இறக்கத்தில் மதிப்பு குறைந்தாலும் மீண்டு வருவதற்கு நிறைய காலம் இருக்கிறது. வயது அதிகரிக்க படிப்படியாக அதிக ரிஸ்க் ஈக்விட்டியிலிந்து கம்மி ரிஸ்க் ஈக்விட்டி கேட்டகரிக்கும் பிறகு ஈக்விட்டியை குறைத்து கடன் பத்திரங்கள் / ஃபிக்ஸ்ட் இன்கம் முதலீட்டையும் அதிகரித்துக்கொண்டே வரவேண்டும். 

ஓய்வு கால இலக்கான தொகையை அடைந்ததும் அல்லது ரிட்டையர்மெண்ட் அருகில் வந்ததும் 10-20% வரை மட்டும் ஈக்விட்டியில் வைத்து விட்டு மிச்சத்தை அசலுக்கு ஆபத்தில்லாத முதலீடுகளில் வைப்பது நலம். 

இதில் சொன்னது போலன்றி 50 வயதில் லார்ஜ் கேப்பை விட்டு வரவேண்டியதில்லை. 
இ எல் எஸ் எஸ் (வரிவிலக்கு ஃபண்ட்கள்) இல் 10% என்று இல்லாமல் தேவைப்படும் அளவுக்கு முதலீடு செய்யலாம். 20 வயதுகாரர்களுக்கு எஃப் டி தேவையேயில்லை. கேஷ் இன் ஹாண்ட் 10% வைத்துக் கொள்வதும் முதலீட்டுக்கு நல்ல ஆப்பர்ச்சுனிட்டி வரும்போது உயபோகப் படுத்திக்கொள்ளத்தான் அதை 20% அளவுக்கெல்லாம் அதிகரிக்கத் தேவையில்லை (எமெர்ஜென்சி ஃபண்டையும் இதையும் போட்டு குழப்பிக்கொள்ளக்கூடாது) 

மியூச்சுவல் ஃபண்டில் முதலீடு செய்யணும் எங்கேருந்து ஆரம்பிப்பது என்று தெரியவில்லை என்போருக்கு இது ஒரு நல்ல துவக்கப்புள்ளியாக இருக்கும்.

Please follow and like us:
error