LIC Endowment நியூ ஜீவன் ஆனந்த் vs PPF vs Mutual fund

வணக்கம் நண்பர்களே. LIC என்பது காப்பீட்டு நிறுவனம். அதில் காப்பீடு செய்யவேண்டும், ஆனால் காப்பீட்டுடன் முதலீடு என ஒன்றாகச் செய்யக்கூடாது என்பது என் கருத்து. ஏன் காப்பீட்டில் முதலீடு செய்யக்கூடாதென்றால், காப்பீடும் பத்தாது, முதலீடும் தேறாது(கூட்டு வட்டி 4% முதல் 6% வரை). பணவீக்கத்தையும் கணக்கில் கொண்டால், பல ஆண்டுகளுக்குப் பிறகு கிடைக்கும் முதிர்வுத்தொகை மகிழ்ச்சியைத் தராது.
LICவில் முதலீட்டுடன் காப்பீட்டுக்கென பல திட்டங்களிருக்கின்றன. அதில் முதலாவதாக நாம் பார்க்கப்போவது Endowment வகையைச் சேர்ந்த நியூ ஜீவன் ஆனந்த்.  https://www.licindia.in/Products/Insurance-Plan/anand

LIC Endowment நியூ ஜீவன் ஆனந்த்

LICவில் கொடுக்கப்பட்டிருக்கும் ஒரு மாதிரி. https://www.licindia.in/Products/Insurance-Plan/anand/abi.aspx
பாலிசிதாரரின் வயது 30. காலம் – 35 ஆண்டுகள். உறுதிப்படுத்தப்பட்ட முதிர்வுத் தொகை (Sum Assured ) – ஒரு லட்சம்.பாலிசித்தொகை  – ஆண்டுக்கு 3,165.
முதலில் பொதுவாக LICயின் endowment திட்டத்தின் பலன்களைப் பற்றிப் பார்ப்போம். 

1. Insurance – நான் Endowment திட்டங்களின் காப்பீட்டைப் பற்றி விவாதிக்கப்போவதில்லை. ஏனென்றால் காப்பீட்டுத் தொகை மிகக்குறைவு. ஜீவன் ஜோதி பீமா யோஜனாவில் ஆண்டுக்கு 330 செலுத்தினாலே,ஒன்றல்ல இரண்டு லட்சம் காப்பீடு கிடைக்கும். அதிகத் தொகைக்கு TERM INSURANCE. Term Insuranceக்கு ஈடான காப்பீட்டை Endowmentடால் கொடுக்கவே முடியாது என்பதே நிதர்சனம்.
2. Vested Simple Reversionary Bonus – LIC ஒவ்வொரு ஆண்டும் அதன் முதலீடுகளில் கிடைக்கும் லாபத்தின் அடிப்படையில் Bonus நிர்ணயிக்கும். இணைப்பு -> https://www.licindia.in/Customer-Services/Bonus-Information. மேற்கண்ட நம் மாதிரிக்கு 2018ல் கொடுக்கப்பட்ட Bonus தொகை, Sum Assuredன் ஆயிரத்துக்கு 49 ரூபாய். மொத்தம் 4,900.. அடேங்கப்பா நாம் போட்ட பணமே 3,165 தான், அதற்கு 4,900 போனசானு நினைக்குறீங்களா .? இந்த Bonusயை கண்ணால பார்க்கத்தான் முடியும். திட்ட முதிர்வுக்குப் பிறகு தான் கையில் கிடைக்கும் . மேலும் இந்த Bonusக்கு எந்த வட்டியும் கிடையாது. இது போல், நம் எடுத்துக்காட்டின் படி ஆண்டுக்கு ஒன்று என மொத்தம் 35 போனஸ் கிடைக்கும். எதிர்காலத்தில் LICன் முதலீடுகளில் கிடைக்கும் லாபத்தைப் பொறுத்து இதே போனஸ் கிடைக்கலாம் , அல்லது குறையலாம். LIC தளத்தின் மாதிரி எடுத்துக்கொள்ளப்பட்ட அதிகபட்ச போனஸ் தொகையே 32 ரூபாய் என்றாலும் 2018ல் தந்த 49 ரூபாயையே நம் தோராய கணக்கிற்குப் பயன்படுத்துகிறேன். 
முதிர்வின் பொழுது கிடைக்கும் போனஸ் -> 35 ஆண்டுகள் * 4,900 போனஸ்  = 1,71,500 ரூபாய். இதுதவிர LICயின் சாதனை, மையில் கல்லைப் பொறுத்து எப்பவாவது சிறப்பு போனஸ் தரப்படலாம். இது பெரிய அளவில் முதிர்வு தொகையை மாற்றாது என்பதால் கணக்கில் கொள்ளவில்லை .
3. Final Additional bonus – முதிர்வின் பொழுது ஒரு முறை வழங்கப்படும். 2012ம் ஆண்டில் நிர்ணயிக்கப்பட்ட போனஸ் தொகை Sum Assuredன் ஆயிரத்துக்கு 1,850 ரூபாய். இணைப்பு -> https://www.licindia.in/Customer-Services/Bonus-Information/Bonus__For_2011-12
முதிர்வின் பொழுது கிடைக்கும் Final Additional bonus -> (1,00,000/1000) * 1,850 போனஸ்  = 1,85,000 ரூபாய் 


2054 ம் ஆண்டில் எதிர்பார்க்கப்படும் மொத்தத் தொகை  -> 1,00,000 உறுதிபடுத்தப்பட்ட முதிர்வுத் தொகை (Sum Assured ) +1,71,500  Vested Simple Reversionary Bonus(தோராயமாக) + 1,85,000 Final Additional bonus (தோராயமாக) = 4,56,500 ரூபாய்.கூட்டு வட்டியின் படி 6.78%. முப்பதைந்து ஆண்டு நீண்ட கால முதலீடு என்பதால் ஒரு சுமாரான 6.78% கூட்டு வட்டி கிடைத்திருக்கு.

PPF – Public Provident Fund

இதற்க்கு பதிலாக ஜீவன் ஜோதி பீமா யோஜனாவில் ஆண்டுக்கு 330யை காப்பீட்டுக்குச் செலுத்திவிட்டு மீதத் தொகையை மிகவும் பாதுகாப்பான PPFல் முதலீடு செய்திருந்தால் எதிர்பார்க்கப்படும் தொகை (தோராயமாக) ->  5,80,000.00 ரூபாய். ஏறக்குறைய ஒரு லட்சத்து முப்பதாயிரம் அதிகம். எப்படி LICன் 2018ம் ஆண்டு Bonus தொகையை அனைத்து ஆண்டுகளுக்கும் கணக்கில் கொண்டேனோ, அது போல PPFன் தற்போதைய 8% வட்டியையே கணக்கில் கொண்டுள்ளேன். LIC Bonus போல இதுவும் மாறலாம். மேலும் ஜீவன் ஜோதி பீமா யோஜனாவின் தொகையும் எதிர்காலத்தில் கூடலாம். மத்திய அரசின் திட்டம் என்பதால் பெரிய அளவில் விலையேற்றமிருக்காது எனக் கருதி விலை உயர்வைக் கணக்கில் கொள்ளவில்லை.

Mutual fund – Aggressive Hybrid Fund

இதுவே கொஞ்சம் துணிவு எடுத்து ஜீவன் ஜோதி பீமா யோஜனாவில் ஆண்டுக்கு 330 காப்பீட்டுக்குச் செலுத்திவிட்டு மீதத் தொகையை Aggressive Hybrid Fundல் முதலீடு செய்து 10% கூட்டு வட்டியை எதிர்பார்த்தால் கிடைக்கும் தொகை (தோராயமாக) -> 9,30,000(LICன் திட்ட முதிர்வில் கிடைக்கும் தொகையைப் போல் இருமடங்கு). Aggressive Hybrid Fundல் கிடைக்கும் லாபத்தொகைக்கு நீண்ட கால முதலீட்டு ஆதாய வரி 10% செலுத்த வேண்டும்.

தெரிந்து கொள்வோம்:
LIC Endowment ஆரம்பித்து முப்பது நாட்களைக் கடந்து விட்டால், மூன்று ஆண்டுகளுக்குள் பாலிசியை நிறுத்தும் பட்சத்தில் எந்த தொகையும் திரும்பக் கிடைக்காது.
மூன்று ஆண்டுகளுக்குப் பிறகு முதிர்வு காலத்திற்கு முன் பாலிசியை Surrender செய்தால், முதல் வருட பாலிசி தொகையைக் குறைத்து  விட்டு Special surrender value கணக்கின் படி ஒரு குறிப்பிட்ட தொகை திரும்பத் தரப்படும். பெரும்பாலும் போட்ட பணமே திரும்பவராது. தயவு செய்து Special surrender value கணக்கை கேட்க வேண்டாம் . இதனால் பெரும்பாலானவர்களுக்கு எந்த உபயோகமுமில்லை.

LIC ஏஜெண்டுகளுக்கு Endowment பாலிசிகளுக்கு முதலாண்டுக்கு தோராயமாக 25% கமிஷனும், அதன் பிறகு ஒவ்வொரு தவணைக்கும் 5% முதல் 7.5% வரை கமிஷனும் தரப்படுகிறது. ஏஜெண்டுகளின் சேவை ஆண்டுகளை பொறுத்து கமிஷன் மாறும்.

அனைத்து கணக்குகளையும் கீழ்க்கண்ட இணைப்பில் கொடுத்துள்ளேன். https://docs.google.com/spreadsheets/d/1DaFbqi0_K_69all7kqTn3GChZPqy3uDVA7HecO6I-iI/edit?usp=sharing
கணக்கில் தவறிருந்தாலோ அல்லது புரிதலில் தவறிருந்தாலோ சுட்டிக்காட்டவும். திருத்திக் கொள்கிறேன் அல்லது தெரிந்து கொள்கிறேன் 

நன்றி:

https://freefincal.com

Please follow and like us:
error

எல் ஐ சி யின் புதிய டெர்ம் பாலிசிகள்

ஆயுள் காப்பீட்டுச் சந்தை மெதுவாக டெர்ம் பாலிசியை நோக்கி நகர்வதை உணர்ந்த எல் ஐ சி புதிதாக இரு டெர்ம் பாலிசிகளை அறிமுகம் செய்கிறது.

இந்தியாவில் ஆயுள் காப்பீடு என்பதே ஒரு முதலீடாக நீண்ட நாட்களாக கருதப்பட்டு வருகிறது. இன்றைய இளம் தலைமுறையினர் எண்டோமெண்ட், மணி பேக், யூ எல் ஐ பி போன்றவற்றின் உபயோகம்ற்ற தன்மையை உணர்ந்து டெர்ம் பாலிசி பக்கம் பார்வையை திருப்பியுள்ளனர். இதையுணர்ந்த தனியார் காப்பீட்டு நிறுவனங்கள் டெர்ம் பாலிசியில் கவனம் செலுத்துவதோடு அதில் அதிகரிக்கும் கவரேஜ், சீக்கிரமே பணம் செலுத்தி முடித்தல், ப்ரீமியம் திரும்பக் கிடைக்க வழி, Critical Illness Coverage போன்ற உத்திகளையும் அறிமுகப்படுத்தி பல்லாயிரக்கணக்கான டெர்ம் பாலிசிகள் விற்றுள்ளன.

இந்தியாவின் மிகப்பெரிய காப்பீட்டு நிறுவனமான எல் ஐ சியிலும் இடெர்ம், அன்மோல் ஜீவன், அமுல்ய ஜீவன் என்று மூன்று டெர்ம் பாலிசிகள் இருந்தாலும் நிறுவனமும் முகவர்களும் அதில் கவனம் செலுத்தவில்லை. எல் ஐ சி யின் டெர்ம் பாலிசிகளில் இடெர்ம் தான் இதுநாள் வரை விலை குறைவானது ஆனால் அதன் ப்ரீமியமே தனியார் நிறுவன டெர்ம் பாலிசிகளுடன் ஒப்பிடும் போது மிக அதிகமாக இருந்ததும் அது பெரிய அளவுக்கு மக்கள் மத்தியில் வெற்றி பெறாமல் போனதற்குக் காரணம்.

இதை உணர்ந்த எல் ஐ சி புதிதாக எல் ஐ சி Tech Term (No 854) மற்றும் ஜீவன் அமர் (எண் 855) என இரு டெர்ம் பாலிசிகளை புதிதாக அறிமுகம் செய்கிறது. இவை இரண்டுமே

பெரும்பாலான விசயங்களில் ஒரே மாதிரியான அம்சங்கள் கொண்டவை. இரண்டுக்குமுள்ள ஒரே வித்தியாசம் டெக் டெர்ம் இடெர்ம் போல எல் ஐ சியின் இணையதளமான www.licindia.in வில் மட்டுமே வாங்க முடியும். ஜீவன் அமர் பாலிசியை முகவர்களிடம் வாங்கலாம். ஜீவன் அமரின் ப்ரீமியம் Tech Term ஐ விட மிக அதிகம்.

இவ்விரு திட்டங்களின் அம்சங்கள்

  1. இவை டெர்ம் பாலிசிகள் – அதாவது காப்பீட்டு காலத்தில் பாலிசிதாரர் இறந்தால் குடும்பத்துக்கு காப்பீட்டுப் பணம் கிடைக்கும். காப்பீட்டு காலத்தில் பாலிசிதாரர் இறக்காத பட்சத்தில் பாலிசிதாரருக்கோ குடும்பத்துக்கோ பணம் ஏதும் கிடைக்காது
  • Tech Term இல் குறைந்தபட்ச காப்பீட்டுத் தொகை 50 லட்சம். அமரில் 25 லட்சம்
  • பாலிசிதாரர்கள் காப்பீட்டுக் காலம் முழுக்க ஒரே காப்பீட்டுத் தொகையை (level sum assured) தெரிவு செய்யலாம் அல்லது அதிகரிக்கும் முறையை தெரிவு செய்யலாம்
  • அதிகரிக்கும் காப்பீட்டுத் தொகையை தெரிவு செய்யும் போது முதல் 5 ஆண்டுகளுக்கு ஒரே அளவில் இருக்கும் அடுத்த 10 ஆண்டுகளுக்கு ஆண்டுக்கு 10% அளவில் அதிகரிக்கும் 16ம் ஆண்டிலிருந்து மீண்டும் காப்பீட்டுத் தொகை ஒரே அளவில் இருக்கும். உதாரணத்துக்கு 50 லட்சம் பாலிசி எடுப்பவரின் sum assured முதல் 5 ஆண்டுகளுக்கு 50 லட்சமாகவே இருக்கும். 6ம் ஆண்டு 55 லட்சம் ஏழாம் ஆண்டு 60 லட்சம் என அதிகரித்து 15ம் ஆண்டு முடிவில் 1 கோடியாக இருக்கும். பாலிசியின் மிச்ச காலத்துக்கு ஒரு கோடியாகவே இருக்கும். அப்புறம் உயராது
  • பாலிசிதாரர் காப்பீட்டு காலத்தில் இறக்கும்பட்சத்தில் நாமினி பணத்தை மொத்தமாகவோ 5 அல்லது 10 அல்லது 15 ஆண்டுகளுக்கு தவணைகளாகப் பிரித்தோ வாங்கிக் கொள்ளலாம் (மொத்தமாக வாங்கி செலவழித்து விடாமல் 15 ஆண்டுகளுக்கு பாதுகாப்பு உறுதி செய்யப்படுகிறது)
  • இப்பாலிசிகளின் ப்ரீமியத்தை பாலிசிகாலம் முழுவதும் செலுத்தலாம் அல்லது விரைவாக செலுத்தி முடிக்கலாம் அல்லது ஒரே தவணையிலும் செலுத்தி விடலாம்
  • இப்பாலிசிகள் 18 வயது முதல் 65 வயது வரை உடையவர்கள் எடுக்கலாம். பாலிசிதாரரின் 80 வயது வரை காப்பீடு பெறலாம். அதாவது 20 வயதுக்காரர் பாலிசி எடுத்தால் அதிகபட்சமாக 60 ஆண்டுகள் காப்பீடு பெறலாம். 50 வயதுக்காரருக்கு 30 ஆண்டுகள் அதிகபட்ச காப்பீட்டுக் காலம்
  • இப்பாலிசிகள் Accidental Rider, புகை பிடிக்காதோருக்கு ப்ரீமியம் குறைவு போன்ற அம்சங்களும் உள்ளன. மற்ற எல்லா பாலிசிகளையும் போல பெண்களுக்கான ப்ரீமியம் ஆண்களின் ப்ரீமியத்தை விட குறைவு

 இப்பாலிசிகள் குறித்த என் கருத்துகள்

இவ்விரு பாலிசிகளும் நேர்த்தியாக வடிவமைக்கப்பட்டுள்ளன. சந்தையில் உள்ள பிற டெர்ம் பாலிசிகளிலுள்ள நல்ல அம்சங்கள் இவற்றில் சேர்க்கப்பட்டுள்ளன (எல் ஐ சியின் முந்தைய டெர்ம் பாலிசிகளில் இவை இல்லை). குறிப்பாக அதிகரிக்கும் கவரேஜ், பாலிசி பணத்தை 15 ஆண்டுகள் பிரித்து வாங்கிக்கொள்ளும் வசதி போன்றவை மிக நல்ல அம்சங்கள்

எல் ஐ சி இடெர்மின் ப்ரீமியம் மிக அதிகம் என்பது பொதுவான குற்றச்சாட்டு, Tech Term இல் அது சரி செய்யப்பட்டுள்ளது. இதன் ப்ரீமியம் எல் ஐ சியின் தற்போதைய டெர்ம் பாலிசிகளின் ப்ரீமியத்தை விட குறைவு.

ஒரே பாதகமான அம்சமாக நான் எண்ணுவது ஜீவன் அமரின் ப்ரீமியம் Tech Term  ப்ரீமியத்தை விட மிக அதிகம்.

உதாரணத்துக்கு 40 வயதான ஒருவர் ஒரு கோடிக்கு 10 ஆண்டு காலம் காப்பீடு எடுக்கிறார் என்று வைத்துக் கொள்வோம்.

தற்போதைய இடெர்ம் எடுத்தால் அவரோட ஆண்டு ப்ரீமியம் 14800 + ஜி எஸ் டி 2451 = மொத்தம் 17,251 (ஆன்லைன் பேமெண்ட் டிஸ்கவுண்ட் கணக்கில் எடுக்கவில்லை). இது தனியார் நிறுவனங்களுடன் ஒப்பிடும் போது மிக அதிகம்

Tech Term இல் இதன் ப்ரீமியம் வெறும் 10,240 + ஜி எஸ் டி 1689 = 11,929 மட்டுமே. அதாவது இடெர்மை விட 30% விலை குறைவு

ஜீவன் அமரில் இவர் செலுத்த வேண்டிய ப்ரீமியம் 16065 ஜிஎஸ்டி தனி. அதாவது ஜீவன் அமரின் ப்ரீமியம் இடெர்மை விட அதிகம், Tech Termஐ விட மிக மிக அதிகம்.

இவ்வாறான விலைப்பட்டியலின் மூலம் எல் ஐ சி ஜீவன் அமரின் தோல்வியை அறிமுகத்திற்கு முன்னரே உறுதி செய்கிறது. மேலும் ஆன்லைன் பாலிசிக்கும் முகவர் விற்கும் பாலிசிக்கும் இவ்வளவு பெரிய விலை வித்தியாசம் வைப்பதன் மூலம் அது முகவர்களையும் வஞ்சிக்கிறது.

எல் ஐ சி இந்தியாவின் மிகப்பெரிய, மிகச்சிறந்த காப்பீட்டு நிறுவனம். அதற்காக மக்கள் தனியார் பாலிசிகளைவிட கொஞ்சம் விலை அதிகம் தர முன்வருவர். முகவரிடம் பேசி விளக்கம் கேட்டு பாலிசி வாங்கும் வசதிக்காக ஆன்லைன் ஷாப்பிங்கைவிட 4-5% அதிகவிலை தரவும் தயாராக இருப்பார்கள். ஒரேடியா ஆஃப்லைன் பாலிசி ப்ரீமியத்தை ஆன்லைன் பாலிசி ப்ரீமியத்தை விட 60% அதிகம் வைத்தால் முகவர்கள் அதை Promote செய்யவும் மாட்டார்கள் அப்படியே Promote செய்தாலும் மக்கள் அவர்களிடம் விளக்கம் எல்லாம் கேட்டுவிட்டு ஆன்லைனில் எடுத்து விடுவார்கள், ஓரிரு முறை இப்படி நடந்ததும் முகவர்களே டெர்ம் பாலிசி குறித்து வாயைத் திறக்க மாட்டார்கள். முகவர்களின் வருமானம் ப்ரீமியத்தின் குறிப்பிட்ட சதவீதம்தான் – ஏற்கெனவே டெர்ம் பாலிசியின் ப்ரீமியம் குறைவு என்பதால் அவர்களின் வருமானம் குறைவாகவே இருக்கும், இப்படி எல் ஐ சியே அவர்களுக்குப் போட்டியாக வந்தால் அவர்கள் பாடு திண்டாட்டம்தான்.

அதிக விலை காரணமாக டெர்ம் இன்சூர்ன்ஸுக்கு எல் ஐ சி பக்கம் போகாமல் இருந்தவர்களில் பெரும்பான்மையோர் Tech Term எடுப்பார்கள் என நம்புகிறேன். எல் ஐ சி மனசு வச்சு ப்ரீமியத்தைக் குறைக்காவிட்டால் ஜீவன் அமர் பெருசா செல்ஃப் எடுக்காது என்றே நினைக்கிறேன்.

Please follow and like us:
error

எல் ஐ சி யும் பங்குச் சந்தை முதலீடும்

பொதுவா மியூச்சுவல் ஃபண்ட், நேரடி பங்குச் சந்தை முதலீடு குறித்து காப்பீட்டு முகவர்கள் சொல்வது, அதெல்லாம் ரிஸ்க், அதெல்லாம் சூதாட்டம் மாதிரி, அதில் பணம் போட்டா முதலுக்கே மோசம் ஆகிடும், எனவே காப்பீட்டு பாலிசிகளில் முதலீடு செய்யுங்க, ரிட்டர்ன் கேரண்டீட் என்பதாக இருக்கும்.

அவர்களை எதிர்கொள்ள பயனர்களுக்கு இந்த படம் மிக உபயோகமா இருக்கும். இப்படம் பல விசயங்களைச் சொன்னாலும், இரண்டு விசயங்கள் மிக முக்கியமானவை

  1. எல் ஐ சி நிறுவனம் காப்பீட்டு முகவர்களால் சூதாட்டம் என்று சொல்லப்படும் பங்குச் சந்தையில்தான் பெருமளவு பணத்தை முதலீடு செய்கிறது. சென்ற ஆண்டு (2018-2019) எல் ஐ சி நிறுவனத்தின் முதலீடுகள் பெற்ற லாபம் மட்டும் 29,956 கோடிகள், முந்தைய ஆண்டு இத்தொகை 28,527 கோடியாக இருந்தது. இது வருமானமோ முதலீடோ அல்ல நண்பர்களே, எல் ஐ சி முதலீடு செய்து வைத்திருக்கு 4 லடச்ம் கோடிகள் அளித்த வருமானம் மட்டுமே. எல் ஐ சி நிறைய அரசின் கடன் பத்திரங்களில் முதலீடு செய்திருந்தாலும், அது ஈட்டிய வருமானத்தின் பெரும் பங்கு பங்குச் சந்தை வர்த்தகத்திலிருந்தே வந்துள்ளது
  • வங்கிகள் வாராக்கடன் பிரச்சனையில் சிக்கித் தவிக்கின்றன, வங்கிகளில் வைக்கும் பணத்துக்கு உத்தரவாதம் இல்லை, காப்பீட்டு நிறுவனங்களில் செய்யப்ப்படும் “முதலீடு” மட்டும் பாதுகாப்பானது என்றும் கூறப்படுவதைக் கேட்டிருக்கிறேன். எல் ஐ சி நிறுவனமும் அரசுக்கு மட்டுமல்லாது தனியார் நிறுவனங்களுக்கும் கடன் தருகிறது அது மட்டுமல்ல எல் ஐ சிக்கும் வாராக்கடன் பிரச்சனை இருக்கிறது. எல் ஐ சி தந்திருக்கும் கடனில் 6%க்கும் மேல் வாராக்கடன் என்று சொல்கிறது இச்செய்தி

இனியாவது உண்மையைப் புரிந்து கொள்ளுங்கள்

எல் ஐ சி உங்களிடமிருந்து பெறும் பணத்தை பங்குச்சந்தை + அரசு கடன்பத்திரங்கள் கொண்ட Diversified Portfolio வில் சம்பாதிப்பதில் கொஞ்சூண்டு கிள்ளி உங்களுக்கு போனஸாக வழங்குகிறது. அதுதான் அனைவரும் சொல்லும் கோரண்டீட் ரிட்டர்ன்

எல் ஐ சி தரும் போனஸ் கேரண்டீட் எல்லாம் இல்லை. 90% பேர் எண்டோமெண்ட் பாலிசி எடுக்கும் வரை, தண்டத்துக்கு எல் ஐ சிக்கு கோடி கோடியா கொட்டும் வரை, அதை எல் ஐ சி பங்குச் சந்தையில் முதலீடு செய்து கோடி கோடியா லாபம் பாக்கும் வரை போனஸும் இதே அளவில் இருக்கும். குறைந்தால்  போனஸும் குறையத்தான் செய்யும்

எல் ஐ சியும் வாராக்கடன், மத்திய அரசு பல நிறுவனங்களை அதன் தலையில் கட்டுவது உள்ளிட்ட பல பிரச்சனைகளை சந்தித்துக்கொண்டுதான் இருக்கிறது.

எனக்கு எல் ஐ சியைப் பிடிக்கும், நான் அனைவருக்கும் சொல்வது ப்ரீமியம் அதிகம் செலுத்த முடிந்தால் டெர்ம் பாலிசியை எல் ஐ சியில் எடுக்கவும், ப்ரீமியம் ரொம்ப அதிகம் என்று நினைத்தால் ஏதாவது ஒரு தனியார் நிறுவனத்தில் எடுக்கவும்தான். அதற்குக் காரணம் எல் ஐ சியின் பொருளாதார வலிமை. என் கருத்தில் உலகிலேயே மிக வலிமையான காப்பீட்டு நிறுவனம் எல் ஐ சி. பிரச்சனை நிறுவனம் அல்ல, எண்டோமெண்ட் பாலிசிகள் “முதலீடு” என்று நினைத்து பணத்தை வீணடிப்பதுதான். ஆயுள் காப்பீட்டுக்கு எல் ஐ சியின் இடெர்ம் பாலிசி மற்றும் ஓய்வூதியத்துக்கு எல் ஐ சியின் ஜீவன் அக்‌ஷய் மற்றும் ஜீவன் சாந்தி இவை மட்டுமே என் சாய்ஸ்கள்

Please follow and like us:
error

எல் ஐ சியின் கேன்சர் கவர் பாலிசி.

கேன்சர் எனும் கொடிய நோய்க்கு இதுவரை மருந்து கண்டுபிடிக்கப் படவில்லை. புகை பிடிப்பது, மது அருந்துவது போன்ற காரணங்களால் மட்டும் கேன்சர் வந்து கொண்டிருந்தது மாறி சுற்றுச்சூழல், பதப்படுத்தப்பட்ட உணவு, துரித உணவு போன்ற பல காரணங்களால் கேன்சரால் பாதிக்கப்படுவோர் எண்ணிக்கை ஒவ்வொரு ஆண்டும் உயர்ந்து வருகிறது. கேன்சர் வந்தவர்களின் வாழ்க்கை தலைகீழாய் மாறிப் போவதை அன்றாடம் காண்கிறோம். இந்நோய் வந்தவர்களுக்கு பொதுவாக அறுவை சிகிச்சை, கீமோ தெரபி, ரேடியேஷன் தெரபி, லேசர் சிகிச்சை மற்றும் அறிதாக ஸ்டெம் செல் மாற்றுச் சிகிச்சை என பல்வேறு சிகிச்சைகள் அளிக்கப் படுகின்றன.

கேன்சரிலிருந்து முழுவதுமாக மீண்டு வருபவர்கள் சொற்பமே. மேற்கூரிய சிசிக்கைகள் மூலம் கேன்சர் நோயாளிகளின் வாழ்நாள் சில பல ஆண்டுகள் நீட்டிக்கப்படுகின்றன. கேன்சர் சிகிச்சைகள் அதிக பொருள் செலவு பிடிக்கக் கூடியவை.

கேன்சரால் பாதிக்கப்பட்டவர்களுக்கு பெருமளவில் மாரல் சப்போர்ட்டும் பொருள் உதவியும் தேவைப்படும். மாரல் சப்போர்ட்டுக்கு நண்பர்களையும், உற்றார் உறவினர்களையும் சேர்த்தாலும் கேன்சர் சிகிச்சைக்குத் தேவைப்படும் அளவுக்கு பணம் சேர்ப்பது கடினம். இப்பிரச்சனையைத் தீர்க்கும் அருமருந்தாக வந்திருப்பது எல் ஐ சியின் கேன்சர் கவர் பாலிசி. இத்திட்டம் கடந்த நவம்பர் மாதம் அறிமுகப்படுத்தப்பட்டு உள்ளது.

இது ஒரு Non-linked, Regular premium payment Health Insurance Plan. இதில் 20 வயது முதல் 65 வயது வரை உள்ளோர் சேரலாம். குறைந்தபட்சமாக 10 லட்சரூபாயும் அதிகபட்சமாக 50 லட்சரூபாயும் காப்பீட்டின் அளவு நிர்ணயிக்கப் பட்டுள்ளது. 
காப்பீட்டின் கால அளவு குறைந்த பட்சம் 10 வருடம் அதிக பட்சம் 30 வருடம் அதே நேரத்தில் காப்பீடு முடியும் காலம் 50 வயது முதல் 75 வயதுக்குள் இருக்குமாறு பார்த்துக் கொள்ள வேண்டும் , அதாவது 20 வயதில் நீங்கள் இந்த பாலிசியை எடுத்தால் 30 ஆண்டு காலம் எடுக்க வேண்டும். ஒரு வேளை நீங்க இந்த பாலிசியை 50 வயதில் எடுத்தால் காப்பீடடு 25 வருடங்களுக்கு மட்டுமே வழங்கப் படும்

இந்த பாலிசியிம் ப்ரீமியம் ஆண்டுக்கொரு முறையோ அல்லது அரையாண்டுக்கொரு முறையோ செலுத்தப்பட வேண்டும். ஆயுள் காப்பிட்டுத் திட்டங்களைப் போல் காலாண்டுக்கொரு முறையோ மாதாமாதமோ செலுத்தும் வசதி தற்போது இல்லை. இந்தத் திட்டம் இந்தியாவில் வசிக்கும் இந்தியர்களுக்கு மட்டுமே தற்போது வழங்கப்படுகிறது. எல் ஐ சியின் பிற திட்டங்களைப் போல் இதில் என் ஆர் ஐக்கள் பங்கு பெற முடியாது.

எல் ஐ சி கேன்சர் கவரின் காப்பீட்டுத் தொகை (Sum Insured) பாலிசி காலம் முழுவது மாறாமல் இருக்குமாறும், பாலிசி ஆரம்பித்து ஒராண்டுக்குப் பிறது ஆண்டுக்கு 10% அதிகரிக்கவும் என இரண்டு ஆப்சன்களை எல் ஐ சி நிறுவனம் வழங்குகிறது. தற்போதைய வருமானத்தில் 40 லட்சரூபாய் காப்பீட்டுக்கு ப்ரீமியம் கட்ட முடியாது, ஆனால் வரும் ஆண்டுகளில் வருமானம் கூடும் அதிக ப்ரீமியம் செலுத்த முடியும் என நினைப்போர் இரண்டாவது ஆப்சனை தெரிவு செய்யலாம். அவர்கள் முதலில் 25 லட்ச ரூபாய்க்கு எடுக்கும் பாலிசி ஆண்டுக்கு 10% உயர்ந்து 5 ஆண்டுகளில் 40 லட்ச ரூபாய் அளவை எட்டும். 


பாலிசியின் பயன்கள் 
1. பயனருக்கு Early Stage Cancer இருப்பது உறுதி செய்யப் பட்டால், காப்பீட்டுத் தொகையில் 25% பணமாக வழங்கப் படும், மேலும் மூன்றாண்டுகளுக்கு ப்ரீமியம் கட்டுவதிலிருந்து விலக்கும் வழங்கப் படும்

2. பயனருக்கு Major Stage Cancer இருப்பது உறுதி செய்யப்பட்டால், முழு காப்பீட்டுத் தொகையும் உடனே வழங்கப்படும். ஒரு வேளை பயனருக்கு ஆரம்ப நிலை கேன்சர் கண்டறியப்பட்டு 25% தொகை வழங்கப்பட்டபின் கேன்சர் முற்றி மேஜர் ஸ்டேஜுக்குப் போனால் அப்போது 75% வழங்கப்படும். பாலிசியின் இரண்டாவது பயனாக பத்தாண்டுகளுக்கு காப்பீட்டு அளவின் 1% மாதாமாதம் வழங்கப்படும். 50 லட்சரூபாய் பாலிசி எடுத்த ஒருவருக்கு மேஜர் ஸ்டேஜ் கேன்சர் உறுதியானால், அவருக்கு உடனடியாக 50 லட்சரூபாயும் மேலும் அப்போதிலிருந்து பத்தாண்டுகளுக்கு மாதாமாதம் 50,000ரூபாய் பணமும் கிடைக்கும். இடையில் பயனர் இறக்க நேரிட்டாலும் அவருடைய வாரிசுக்கு பத்தாண்டு காலம் முழுவதும் இத்தொகை வழங்கப்படும். 
பாலிசியின் மூன்றாவது பயனாக மேஜர் ஸ்டேஜ் கேன்சர் உறுதியான பிறகு ப்ரீமியம் தொகை செலுத்துவதிலிருந்து முழுமையாக விலக்கு அளிக்கப் படுகிறது.

பீரிமியம் தொகை 
30 வயது ஆண், 50 லட்ச ரூபாய் காப்பீடு, 30 ஆண்டுகாலம் என்ற உதாரணத்துக்கு ப்ரீமியம் தொகை ஆண்டுக்கு ரூ 7254 மற்றும் ரூ 1306 வரி ஆக மொத்தம் ரூ 8560. உங்களுக்கான ப்ரீமியம் தொகையை எல் ஐ சியின் இணையதளமான www.licindia.inஇங்கு காணலாம்.

தெரிந்து கொள்ள வேண்டிய பிற விவரங்கள் 
இந்த பாலிசியை எல் ஐ சியின் முகவர்களிடமும் பெறலாம் அல்லது எல் ஐ சியின் இணையதளத்தில் நேரடியாகவும் வாங்கலாம். இணைய தளம் மூலம் வாங்கும் போது ப்ரீமியம் தொகையில் 7% தள்ளுபடி பெறலாம்

கவரேஜ் பாலிசி வாங்கிய தினத்திலிருந்து 180 நாட்களுக்குப் பிறகே தொடங்கும்.

பொதுவாக ஆயுள் காப்பீட்டுத் திட்டங்களில் திட்டகாலம் முழுவதும் ப்ரீமியம் தொகை மாறாது. கேன்சர் கவர் திட்டத்தில் ப்ரீமியம் தொகை ஐந்தாண்டுகளுக்கு மட்டுமே நிச்சயம். அதற்கப்புறம் நிர்ணயிக்கப்படும் ப்ரீமியத் தொகை அடுத்த ஐந்தாண்டுகளுக்கு மாறாமல் இருக்கும்.

இந்த பாலிசியையும் பிற மெடிகல் இன்சூரன்ஸ் பாலிசிக்களையும் போட்டு குழப்பிக் கொள்ள வேண்டாம். இந்த பாலிசி எடுத்தாச்சு வேற மெடிகல் இன்சூரன்ஸ் தேவையில்லை என எண்ண வேண்டாம். இது கேன்சர் நோய்க்கு மட்டுமான ப்ரத்யேகமான பாலிசி

இந்த பாலிசியின் குறைகள் என்று பார்த்தால் பாலிசியின் அம்சங்களைத்தான் சொல்ல வேண்டும். அதிகபட்ச காப்பீட்டு அளவு 50 லட்ச ரூபாய்தான், வருங்காலத்தில் எல் ஐ சி இதை அதிகப்படுத்த வேண்டும். அதே போல அதிகபட்சமாக 30 ஆண்டுகாலம் மட்டுமே பாலிசி எடுக்க முடியும். ஆயுள் காப்பீடு சம்பாதிக்கும் காலம் வரை மட்டும் போதும் ஆனால் இது போன்ற பாலிசிகள் உயிருடன் இருக்கும் வரை தேவை. இந்த இரண்டு மாற்றங்களையும் எல் ஐ சி எதிர்காலத்தில் கொண்டு வந்தால் இந்த பாலிசி முழுமையடையும்.

கேன்சர் எனும் கொடிய நோய் யாருக்கும் வர வேண்டாம். அப்படி வந்துவிட்டால் குறைந்தபட்சம் மருத்துவச் செலவுக்கு என்ன செய்வது என்று யோசிக்காமல் இருக்க இந்த பாலிசி உதவும். ”கடவுளை நம்பு ஆனால் கதவை பூட்டு” என்ற சொலவடைக்கு ஏற்ப கேன்சர் உருவாக்கும் பொருட்களான புகையிலை, மது போன்றவற்றை தவிர்ப்போம் அதையும் மீறி கேன்சர் வந்தால் சிகிச்சை உதவிக்கு காப்பீட்டை நாடுவோம்.

Please follow and like us:
error

எல் ஐ சியின் பொருளாதார வலிமை

திவாலாக வேண்டிய நிலையில் இருக்கும் ஐடிபிஐ வங்கியை மத்திய அரசு எல் ஐ சி தலையில் கட்டிவிட்டது, எல் ஐ சி வாடிக்கையாளர்களின் முதலீடு இனி அம்போன்னு நெறய கூச்சல் கேக்குது.

ஃப்ரீ மார்க்கெட் சித்தாந்தத்தை நம்பும் அமெரிக்கா 2008 இல் வங்கிகளையும் இன்சூரன்ஸ் நிறுவனத்தையும் மீட்டெடுக்க 700 பில்லியன் டாலர்களைச் செலவிட்டது. இப்ப ஐடிபிஐ வங்கியை யாரும் வாங்க வராத நிலையில், அரசுக்கு மூணு வழிகள்தான் இருக்கு – அரசு பணத்தைப் போட்டு மீட்டெடுப்பது, திவாலாக விடுவது – இவை இரண்டையும் செய்யாமல் அரசு வழக்கம் போல் தன் செல்ல Piggy Bank உண்டியலான எல் ஐ சியின் சேமிப்பிலேயே கை வைத்திருக்கிறது.

எல் ஐ சியை அரசு ஏடிஎம் போல கருதுகிறதுன்னு பலரும் சொல்றாங்க, ஏடிஎம்ல கூட பணம் எடுக்க நிபந்தனைகள் உண்டு, நம் சொந்த உண்டியலை உடைச்சி எடுக்கத்தான் ரூல்ஸ் எதுவுமே கிடையாது, காலாகாலமா அரசுகள் எல் ஐ சியை உண்டியல் போலத்தான் பாவித்து வந்துள்ளன – தேவைப்படும் போதெல்லாம் உண்டியலில் கைவிட்டு எடுப்பதே வழக்கம்.

இது சரியா தவறா என்கிற விவாதம் ஒரு புறம் இருக்கட்டும், இப்ப மட்டும் ஏன் இவ்வளவு கூச்சல் என்றுதான் புரியவில்லை. ஐடிபிஐ வங்கியின் 51% பங்குகளை வாங்க ஆகும் செலவு வெறும் 13 ஆயிரம் கோடி ரூபாய்கள்தான். இது ரிஸ்க், நஷ்டமாகிடும், எல் ஐ சி தன் வாக்குறுதிகளை நிறைவேற்ற முடியாம போயிடும் என்றெல்லாம் கூவும் வாய்கள் – ஆண்டாண்டு காலமா எல் ஐ சி ஷேர் மார்க்கெட்டில் முதலீடு செய்யும் போதெல்லாம் என்ன செய்வதில் பிசியாய் இருந்தன என்று தெரியவில்லை. எல் ஐ சியின் ஆண்டறிக்கையின்படி அது ஷேர் மார்க்கெட்டில் முதலீடு செய்துள்ள தொகை எவ்வளவு தெரியுமா? 7 லட்சத்து 56 ஆயிரத்து 274 கோடிகள் – இதில் வெறும் 2% தான் ஐடிபிஐயில் எல் ஐ சி முதலீடு செய்ய இருக்கும் தொகை.

எல் ஐ சி பெரும் முதலீடு செய்திருக்கும் சில பங்குகளின் சந்தை மதிப்பீடு

ஐ டி சி 56 ஆயிரம் கோடி
ரிலையன்ஸ் 35 ஆயிரம் கோடி 
எல் & டி 25 ஆயிரம் கோடி 
ஓ என் ஜி சி 21 ஆயிரம் கோடி 
கோல் இந்தியா 14 ஆயிரம் கோடி
பி எச் இ எல் , கெயில் தலா 5 ஆயிரம் கோடி
என்று இந்த லிஸ்ட் ரொம்ப பெருசு..

இப்ப எப்படின்னு தெரியல, சென்ற ஆண்டு வரை ஐ டி பி ஐ வங்கியில் கூட 2000 கோடி முதலீடு செய்திருந்தது எல் ஐ சி. ஒரு வேளை ஐ டி பி ஐ வங்கி திவாலாகி இருந்தால், எல் ஐ சிக்கு நிஜமாவே நஷ்டம் வந்திருக்கும்.

இப்படி பல தனியார் நிறுவனங்களிலும், பொதுத்துறை நிறுவனங்களின் பங்குகளை அரசு விற்க நினைக்கும் போதெல்லாமும், அந்நிய முதலீடு கணிசமாக வெளியேறும் போது அதைச் சரிக்கட்டவும் என்று எல் ஐ சி பல முறை பங்குச் சந்தையில் பணத்தை இறக்கியிருக்கிறது. அப்போதெல்லாம் வராத ஸ்திரத்தன்மை பிரச்சனை வெறும் 13 ஆயிரம் கோடிக்கு ஏன் வருது??

எல் ஐ சிக்கு வங்கியை நடத்தத் தெரியாதாம் – ஆமா மற்ற வங்கிகளின் மேனேஜ்மெண்ட் எல்லாம் நடத்தற அழகைத்தான் தினமும் பாக்கறோமே, அவற்றை விட எல் ஐ சி மோசமாக வங்கியை நடத்திவிடாது… பாலிசி வித்தாவது லாபம் பாத்துடுவாங்க ..

அப்புறம் முக்கியமா 13,000 கோடி எல்லாம் எல் ஐ சியின் ஸ்திரத்தன்மையை ஆட்டிப் பார்த்துவிடாது.. ஓவரா கவலைப்பட்டு, எல்லாரும் ஒரே நேரத்தில் போய் பாலிசிகளை கேன்சல் பண்றேன்னு நிக்காதீங்க அதுதான் எல் ஐ சியை படுகுழியில் தள்ளும்.

இதுல ஆகச் சிறந்த காமடி என்னன்னா – எல் ஐ சி முகவர்கள் ஷேர் மார்க்கெட் எல்லாம் ரிஸ்க் எல் ஐ சியில் செய்யப்படும் முதலீடு சேஃப் என்று கூறுவதும் மக்கள் அதை நம்புவதும்தான். அவங்க பணத்தை வாங்கி எல் ஐ சி கோடிக்கணக்கில் லாபம் காண்பது அதே ஷேர் மார்க்கெட்டில்தான். அதுவும் இது மாதிரி தான தர்மம் எல்லாம் செஞ்சப்புறம்தான்.

என் பர்சனல் கருத்து – அரசு, நாட்டிலுள்ள நிறுவனங்களை மீட்டெடுக்கும் செயலை அரிதினும் அரிதாகவே செய்ய வேண்டும்.. இல்லேன்னா அமெரிக்க வங்கிகள் போல தெனாவட்டா “we are too big to fail” லைன் கட்டி நிப்பாங்க எல்லாரும். அப்படியே செய்வதானாலும் சொந்தக் காசில் செய்யவேண்டும், வேறு நிறுவனம் ஒன்றின் காசில் செய்யக்கூடாது – அதுவும் தன் நிறுவனமாகவே இருந்தாலும். அதுக்காக என்னவோ இதுநாள் வரை அரசுகள் எல் ஐ சி பர்ஸ்ல கை வைக்காத மாதிரியும் இது எல் ஐ சியை படுகுழியில் தள்ளிவிடும் என்கிற மாதிரியும் சொல்வது சரியல்ல

Please follow and like us:
error

Jeevan Lakshaya from LIC

நண்பர் ஒருத்தருக்கு இப்படி ஒரு இமெயிலை எல் ஐ சியின் ஏஜெண்ட் ஒருத்தர் அனுப்பியிருக்கார். படிச்சதும் பகீர்னு இருந்தது, இப்படியெல்லாமா பொய் சொல்லி, பித்தலாட்டம் பண்ணி பாலிசி விக்கணும் என்றிருந்தது.

மொதல்ல இமெயிலைப் படிங்க

From: LIC <lic_csr@customerservice.org.in>
Date: 26-Jul-2018 5:48 PM
Subject: LIC NEW JEEVAN LAKSHYA FAMILY PROTECTION PLAN
To: 
HI,

Warm Greetings from LIC Of India

We are choosing few golden customers like you. Its regarding high returns with tax savings, were entire family will be benefited.

The plan name is JEEVAN LAKSHAYA which is purely a traditional plan which Is not linked to any share market.

For example ;If you are investing 1,20,000 P/A {Mode of premium : QUARTERLY, HALF YEARLY , YEARLY } So you will be choosing a term of 18 years but you will be Paying only for 15 years, So your investment will be18,00,000, towards the policy, And completion of the term your total returns will be 44,31,960 with complete Tax free under section 80(c) and 10(10) D .

Apart from your investment and returns you will be having 4 benefits:

1. Your life will be insured for 18lakhs of any death.

2. In case any thing happens to the policy holder in between the term, immediately 18 lakhs will be given to their beloved nominee, and every year nominee will get the amount of 1, 80,000 as a pension till the maturity term, and also all the future premiums will be waved and paid by LIC and finally the returns will be given their nominee.

3. Completion of the term you can also convert the returns in to pension plan were you will be receiving the pension amount of 34,163* every month throughout your life time and after you the nominee also can continue pension , In case of absence of the both the returns will be equally divided among the children.

4. By keeping this bond as supporting documents you can also avail for loans up to 80% of the estimated value of the property.

*Sir The plan name itself its JEEVAN LAKSHYA (Lakshya means Goal)whatever the customer goal either he is alive/absence the goal/Lakshya will be reached through this JEEVAN LAKSHYA plan.

*But where as in this plan in case of customer absence immediately 18 lacks of SUM ASSURED will be given and 10% of sum assured that is 1,80,000/- will be given from customer absence year to till maturity.And all the future premiums from customer absence year to till maturity will be waved and paid by the LIC. Finally again the nominee will get maturity benefit on 18th year last day.

Sir I mean to say this is very good savings cum protection plan. Like these golden plans once in 5 years lic will lunch. Earlier we have JEEVAN SREE, JEEVAN KOMAL, JEEVAN SHNEHA which has given very good benefits and got Golden Peacock awards. Again now this Jeevan Lakshya plan is one such plan with very good benefits. So we are giving awareness and helping the people to reach their future Lakhya with our JEEVAN LAKSHYA plan.

Sum Insured :Rs 18,00,000/-

Total investment :Rs 18,00,000/-

Total Benefits :Rs 44,31,690/-

*Pension :Rs 34,163/- P.M till 100 years[Pension is optional]

If your planning to go with this plan you can revert me back with your appointment details .

The documents that has to be keep ready.

1.) 2 passport size photos.

2.) Age Proof

3.) Address Proof

4.) I.D Proof

5.) Educational Certificates(10 + Higher education certificates)

6.) 3 month Salary pay slip if your working otherwise 3 years IT Returns.

7.) cheque leaf on favour of LIC of INDIA

With Regards,

Anjana

LIC of India.

இப்ப இதில் என்னென்ன தவறுகள்னு பாப்போம்

  1. ஜீவன் லக்‌ஷயா 2015 இல் அறிமுகம் செய்யப்பட்ட எல்லாருக்குமான பாலிசி, இது ஒன்றும் குறிப்பிட்டோருக்கு மட்டுமான ஸ்பெசல் பாலிசி அல்ல
  2. இமெயில் கிடைக்கப்பெற்ற நண்பருக்கு வயது 45. அவருக்கு 18 லட்ச ரூபாய், 15+3 ஆண்டுகள் ஜீவன் லக்‌ஷயா பாலிசிக்கு ப்ரீமியம் ஆண்டுக்கு 1,29,000 அல்லது மாதம் 10,980 – இதில் சொல்வது போல 1.2 லட்சம் அல்ல
  3. இத்திட்டத்தில் முதலீடு செய்தால், முதிர்வடையும் போது காப்பீட்டுத் தொகை (சம் அஸ்யூர்ட்), vested Simple Reversionary bonuses and Final Additional bonus, if any வழங்கப்படும் என்றே எல் ஐ சி சொல்கிறது. இவ்வளவு தொகை கிடைக்கும் என்று உறுதியாக யாராலும் சொல்ல முடியாது, இன்னும் சொல்லப் போனால் இந்த ஏஜெண்ட் இப்படி உறுதி தருவது காப்பீட்டு விதிகளுக்கு முரணானது.
  4. சிம்பிள் ரிவிசினரி போனஸ் என்பது எல் ஐ சி  ஒவ்வொரு ஆண்டும் தன் லாபத்தில் ஒரு பங்கை பாலிசிதாரர்களுக்கு பிரித்து வழங்குவது. ஃபைனல் அடிசன் போனஸ் ஒரே ஒரு முறை வழங்கப்படுவது.  இன்று வழங்கும் போனஸ் என்றுமே இருக்கும் என்று சொல்ல முடியாது. சென்ற ஆண்டின் போனஸே அடுத்த 18 ஆண்டுகளும் நீடிக்கும் என்று நம்பினாலும், இத்திட்டம் முதிர்வடையும் போது எவ்வளவு கிடைக்கும் தெரியுமா?

காப்பீட்டுத் தொகை ; 18 லட்சம்

சிம்பிள் போனஸ் – ஆயிரத்துக்கு 45 ரூபாய் * 18 ஆண்டுகள்= 14,58,000

ஃபைனல் போனஸ் 18 ஆண்டு பாலிசிக்கு ஆயிரத்துக்கு 30 ரூபாய் = 63,000 ரூ

ஆக மொத்தம் ரூ 33,21,000 எதிர்பார்க்கலாம்

  • 44 லட்சமெல்லாம் கிடைக்க வாய்ப்பேயில்லை, அப்படியே இருந்தாலும் அது உத்தரவாதத் தொகை கிடையாது, இப்படி 44 லட்சம் கிடைக்கும் என்று அவர்களுடைய ஏஜெண்ட்கள் எழுதிக் கொடுப்பதை எல் ஐ சி எப்படி அனுமதிக்கிறது என்று புரியவேயில்லை
  • இந்த பாயிண்ட் தான் இந்த ஏஜெண்ட்டுக்கு பாலிசி குறித்து எதுவுமே தெரியவில்லை என்று நிரூபிக்கிறது – இரண்டாவது பாயிண்ட்டில் சொல்லியபடி பாலிசிதாரர் இறந்தால் உடனே நாமினிக்கு 18 லட்சம் கிடைக்காது. இறக்கும் ஆண்டிலிருந்து பாலிசி நிறைவுரும் வரை ஆண்டு தோறும் 1.8 லட்சம் கிடைக்கும், பாலிசி முதிர்வடையும் போதுதான் அதாவது 18வது ஆண்டின் முடிவில்தான் 18 லட்சம் கிடைக்கும். 
  • ஜீவன் லக்‌ஷயாவில் பென்சன் பெறும் திட்டமே கிடையாது. இந்த ஏஜெண்ட்டோ திட்டம் முதிர்வடையும் போது பணத்தை பென்சனாக பெற்றுக் கொள்ளும் வசதி இருப்பதாகச் சொல்கிறார் – இது முற்றிலும் தவறான தகவல், இவ்வசதி ஜீவன் லக்‌ஷயாவில் இல்லவே இல்லை.
  • ஏஜெண்ட் ஒரு நல்ல நிதி ஆலோசகராகச் செயல் பட்டு ரெண்டு திட்டங்களை இணைத்து ஒன்றாக வழங்குகிறார் என்று வைத்தாலும் – வெறும் ஜீவன் லக்‌ஷயாவின் பெயரை மட்டும் சொல்லி பென்சன் திட்டத்தின் பேரைச் சொல்லாமல் விடுவது தவறு
  • ஏஜெண்ட் சொல்லியிருக்கும் முதிர்வுத் தொகையின் 9.2% ஆண்டு பென்சனாக பெற்றுக் கொள்ளலாம் என்று சொல்லியிருக்கிறார். இன்றே அந்த அளவுக்கு வட்டி தரும் பென்சன் திட்டம் ஏதுமில்லை, என்னும் 18 ஆண்டுகள் கழித்து 4-5% வட்டி தரும் பென்சன் திட்டம் இருந்தாலே பெரிய விசயம், 9% எல்லாம் வாய்ப்பேயில்லை.

இது போன்று உண்மைக்குப் புறம்பானவற்றைச் சொல்லி ஏமாற்றும் ஏஜெண்ட்டுகளை எல் ஐ சி என்ன செய்யப் போகிறது.

இப்போ ஜீவன் லக்‌ஷயா எப்படின்னு பாக்கலாம்

  1. காப்பீடு : மாசம் 10,000 ரூ ப்ரீமியம் கட்டுறதுக்கு பயனரின் சம்பளம் 1 லட்சமாவது இருக்க வேண்டும். ஆண்டு வருமானம் 12 லட்சம் உள்ளவரின் குடும்பத்துகு அவர் திடீரென இறந்தால் எல் ஐ சி தருவதோ 1.8 லட்சம் (ஆண்டுக்கு)  – எனவே இது காப்பீட்டுக்கு கதைக்காகாது
  2. முதலீடு : ஏற்கெனவே சொன்ன கால்குலேசன் படி 15 ஆண்டுகளில் 16.5 லட்சம் செலுத்தி 18 ஆண்டுகள் முடிவில் கிடைக்கக் கூடியது 33 லட்சத்த்து சொச்சம், அதாவது 5% கூட்டு வட்டி – மியூச்சுவல் ஃபண்ட் எல்லாம் கூட வேண்டாம் வங்கி ரெக்க்ரிங் டெபாசிட்ல போட்டா கூட இதை விட பெட்டர் ரிட்டர்ன் கிடைக்கும் என்று நான் சொல்லித்தானா உங்களுக்குத் தெரியவேண்டும்??

இனிமே ஜீவன் லக்‌ஷயா எனும் உலகமகா திட்டம் என்று “நைஜீரிய” இமெயில் வந்தால் என்ன செய்ய வேண்டும் என்று தெரியும் தானே?

எல் ஐ சியின் போனஸ் குறித்து அறிய உதவிய தரவுகள் :

Final Addition Bonus   http://sumassured.in/final-additional-bonus-fab-for-lics-policies-for-year-2015-16/

Annual Bonus https://www.basunivesh.com/2017/08/24/lic-bonus-rates-for-2017-18/

http://insurancefunda.in/lic-bonus-rates-2017-2018/

Please follow and like us:
error

சென்செக்ஸும் எண்டோமெண்ட்டும் பின்னே ஓய்வு காலமும்

சென்செக்ஸும் எண்டோமெண்ட்டும் பின்னே ஓய்வு காலமும்

நீண்ட கால தண்ணி தேவைக்கு கிணறு வெட்டலாம்னு முடிவு பண்றீங்க. ரெண்டு இடங்களில் முயன்றால் தண்ணி கிடைக்கும்னு வல்லுனர் சொல்றார். ஒரு இடத்தில் தோண்டுவது சுலபம், சொல்லப்போனா வேலையே இல்லை, தண்ணி வருவதற்கு வாய்ப்பு அதிகம் ஆனா கிடைக்ககூடிய தண்ணி எதிர்காலத்தில் உங்க தேவையில் பாதியைக் கூட பூர்த்தி செய்யாது.

இன்னோரு பாதை கடினமானது. தோண்டும் போது பல பாறைகளையும் இடர்பாடுகளையும் எதிர்கொள்ள நேரிடும். சிறு கட்டணத்துக்கு ஒரு வல்லுனரை நியமித்துக் கொண்டால் காரியம் சுலபமாகும், அப்பவும் பொறுமை மிக அவசியம். ஆனா தண்ணி வரும் போது உங்க எதிர்காலத் தேவையை விட அதிகமாக வருவதற்கு வாய்ப்பு அதிகம்.

பல்லாண்டுகள் காத்திருந்தும் தேவையில் பாதிகூட பூர்த்தி செய்யாத கிணறா அல்லது கோடிக்கணக்கான பேர் வெற்றிகரமாக கையாண்டால் , பொறுமையோடு இருந்தால் தேவைக்கு அதிகமா தண்ணி தரக்கூடிய கிணறா இதில் உங்க சாய்ஸ் என்ன? ரெண்டாவதுதானே? அப்புறம் ஏன் எண்டோமெண்ட் பாலிசிகள் உங்க எதிர்காலத் தேவைகளை பூர்த்தி செய்யும்னு நம்பறீங்க?

தமிழகத்தில் மட்டுமல்ல, இந்தியாவில் மட்டுமல்ல, உலக அளவில் எந்த ஒரு முதலீட்டு ஆலோசகரும் ஆயுள் காப்பீட்டு நிறுவனங்களின் திட்டங்களில் முதலீடு செய்யச் சொல்வதில்லை, அவற்றைத் தவிர்க்கவே சொல்கிறனர். அதற்கு முக்கியக் காரணம் காப்பீட்டு நிறுவனங்களின் திட்டம் எதுவும் இன்ஃப்ளேசனைத் தாண்டி வளர்ச்சி காண்பதேயில்லை

No photo description available.

இதோ இந்தப் படத்தைப் பாருங்கள் – 1986ம் ஆண்டு 625 புள்ளிகளாக இருந்த சென்செக்ஸ் இன்று 40,000 புள்ளிகள். அதாவது 1986ம் ஆண்டு 625 ரூபாய்களை சென்செக்ஸ் இண்டெக்ஸில் நீங்கள் முதலீடு செய்திருந்தால் அதன் இன்றைய மதிப்பு 40 ஆயிரம் ரூபாய்கள். 36 ஆண்டுகளில் 64 மடங்கு உயர்வு. நீண்ட கால வளர்ச்சி வரி விகிதமாக லாபத்தில் 10% கொடுத்த பின்பும் மிச்சமிருப்பது 35437 ரூபாய் – அதாவது 57 மடங்கு – கூட்டுவட்டி முறையில் 13.5% year on year வளர்ச்சி.

கனியிருக்க காய் கவர்ந்தற்று என்று சொன்ன முன்னோர்களை முட்டாளாக்கிவிட்டு எண்டோமெண்ட் பாலிசிகளில் செய்யும் முதலீடு எப்படி செயல்படுகிறது என்று பார்க்கலாம்.

தமிழகத்தில் மிகப் பிரபலமான எண்டோமெண்ட் பாலிசின்னு பாத்தால் அது எல் ஐ சியின் ஜீவன் ஆனந்த் பாலிசிதான். அதன் ரிட்டர்ன் எப்படி இருக்ககூடும்னு பாத்தேன் (இதைத் தரும் வெப்சைட்டின் லின்க் முதல் கமெண்ட்டில்)

பாலிசிதாரரின் வயது 40
பாலிசி காலம் 20 ஆண்டுகள்
ரைடர்கள் : எதுவுமில்லை 
காப்பிட்டுத் தொகை 25 லட்சம்
இதற்கு ஜீவன் ஆனந்தின் ப்ரீமியம் – மாதம் 13476 ரூபாய் 
அவருடைய 60வது வயதில் வரக்கூடிய மெச்சூரிட்டி 49,25,000 ரூபாய்கள் 
(இது நிச்சயம் கிடையாது. இது நாள் வரை எல் ஐ சி தந்து வரும் போனஸ் அடுத்த 20 ஆண்டுகள் தந்தால் வரக்கூடிய தொகை)
25 லட்ச ரூபாய் காப்பீடு கிட்டத்தட்ட அனைவருக்குமே தேவை ஆனால் மாதம் 13500 ரூபாய் காப்பீடு + முதலீட்டுக்கு எத்தனை பேரால் முதலீடு செய்ய முடியும்?

அதே எல் ஐ சியின் இடெர்ம் பாலிசி 25 லட்ச ரூபாய்க்கு ப்ரீமியம் வெறும் 678 ரூபாய் மட்டுமே. காப்பீட்டுக்கு அதை எடுத்து வைத்து விட்டு மிச்சமிருக்கும் 12,978 ரூபாயை மாதாமாதம் 20 ஆண்டுகள் முதலீடு செய்தால் வெறும் 4.5% வளர்ச்சியில் அது 49,67,000 ரூபாயாக இருக்கும்.

அதாவது அப்பாடக்கர் பாலிசி என்று அனைத்து ஏஜெண்ட்டுகளாகளாலும் விற்பனை செய்யப்படும் ஜீவன் ஆனந்த் பாலிசி தரும் ரிட்டர்ன் 4.5% கூட இல்லை என்பதே உண்மை. பாலிசி காலத்தை அதிகரித்து, ஆண்டுக்கொருமுறை ப்ரீமியம் செலுத்தி என்று எப்படி குட்டிக்கரணம் அடித்துப் பார்த்தாலும் இது தரும் ரிட்டர்ன் இன்ஃப்ளேசனுக்கே காணாது.

இதெல்லாம் தெரியாம பாலிசி போட்டுட்டீங்க, இப்ப என்ன பண்ணலாம்? 
1. போனது போகட்டும்னு கேன்சல் செய்யலாம் – அப்போ போட்ட பணத்தில் பாதி வரலாம் அல்லது எதுவுமே கிடைக்காம போகலாம்
2. பாலிசியை Paid Up ஆக மாற்றலாம். இப்படி செய்தால் அதுக்கப்புறம் ப்ரீமியம் கட்ட வேண்டாம், இதுவரை கட்டிய பணமும் போனஸும் எல் ஐ சி வசம் இருக்கும், பாலிசி முடிவுறும் போது அது உங்க கைக்கு வரும்.

இனியாவது தயவு செய்து ஜீவன் ஆனந்த் பாலிசி போட்டிருக்கேன், அது நல்ல பாலிசியா? தொடரலாமான்னு கேள்விகள் அனுப்பாதீங்க. இதை விட தெளிவா வேறு மொழியில் எனக்குச் சொல்லத் தெரியாது.

I am a firm believer of Insurance and I strive to cover my life and other valuable possessions with an appropriate level of insurance.
This is not intended to undermine the value of Life Insurance but it is merely an effort to find out the right choice among options.
This is my personal opinion about Insurance, Insurance companies and some of the available policies. I am neither qualified nor intend to advise anyone on this matter. Consider your needs, current situation and consult a professional before buying any insurance/investment products or investing in equity

Please follow and like us:
error

வாழும் போதும், வாழ்க்கைக்குப் பிறகும்

Life insurance users

இந்த கேப்சனை எல் ஐ சி நிறுவனம் ஒரு தவறான பாலிசிக்கு கொடுத்து வச்சிருக்கு. இது டெர்ம் பாலிசிக்குத்தான் கனகச்சிதமா பொருந்தும்

வாழும் போது : டெர்ம்பாலிசி மன நிம்மதி தரும். ரெண்டு கோடிக்கு வீடு வாங்கின நண்பர் ஒண்ணரை கோடிக்கு கடன் வாங்கி வச்சிருந்தார். ரெண்டு கோடிக்கு டெர்ம் பாலிசி எடுத்தததும் அவருக்கு கிடைத்த நிம்மதி வார்த்தையில் விவரிக்க முடியாதது. சுயதொழில் செய்யும் உலகம் சுற்றும் ஒரு வாலிப நண்பருக்கும் அப்படியே… 
நாளைக்கே நாம் இறக்க நேரிட்டாலும் குடும்பம் பொருளாதார ரீதியா கஷ்டப்படாது இருக்கும் நிலைமையை அவர்களுக்கு வழங்குவது நம் ஒவ்வொருவரின் கடமை. டெர்ம் பாலிசி தவிர வேறு எதாலும் இதை கொடுக்க முடியாது

வாழ்க்கைக்குப் பிறகு :

1. சம்பளம் வருதுன்னு ஒரு லைஃப் ஸ்டைல் உருவாக்கி அதுக்காக வீட்டுக் கடன், வாகனக் கடன், பர்சனல் லோன்னு வாங்கி வச்சிருக்கோம் நம்மில் பலர் – எதிர்பாராத விதமா நாம் இறக்க நேரிட்டால் ஆயுள் காப்பீடுதான் அக்கடன்களை அடைக்கும்

2. நாம் குடும்பத்துக்கு அளித்து வந்த லைஃப் ஸ்டைலை நமக்குப் பின்னும் அவர்கள் தொடர ஒரே வாய்ப்பு நம் ஆண்டு வருமானத்தின் 10-20 மடங்கு டெர்ம் பாலிசி எடுப்பதுதான்

3. ஆண்டு வருமானத்தின் 20 மடங்கு ஆயுள் காப்பீடு எடுக்க முடிந்தால் பிள்ளைகளின் நிகழ்காலத்தை மட்டுமன்றி கல்லூரிப்படிப்பு போன்ற எதிர்கால செலவுகளுக்கும் சேர்த்து பணம் விட்டுச் செல்ல முடியும்

4. செத்தும் கொடுத்தவர் சீதக்காதி மட்டுமல்ல என் அப்பாவும்தான்னு பிள்ளைகள் சொல்லுமளவுக்கு விட்டுச் செல்ல கோடிகளை சேர்த்து வைக்கத் தேவையில்லை ஆயிரங்கள் செலவழித்து ஓரிரு கோடிகளுக்கு டெர்ம் பாலிசி எடுத்து வைத்தால் போதும்.

வாழும் போதும் வாழ்க்கைக்குப் பிறகும் துணை வருவது டெர்ம் பாலிசி மட்டுமே

Please follow and like us:
error

எல் ஐ சியின் கேன்சர் கவர் பாலிசி

Image result for images for lic cancer cover policy

கேன்சர் எனும் கொடிய நோய்க்கு இதுவரை மருந்து கண்டுபிடிக்கப் படவில்லை. புகை பிடிப்பது, மது அருந்துவது போன்ற காரணங்களால் மட்டும் கேன்சர் வந்து கொண்டிருந்தது மாறி சுற்றுச்சூழல், பதப்படுத்தப்பட்ட உணவு, துரித உணவு போன்ற பல காரணங்களால் கேன்சரால் பாதிக்கப்படுவோர் எண்ணிக்கை ஒவ்வொரு ஆண்டும் உயர்ந்து வருகிறது. கேன்சர் வந்தவர்களின் வாழ்க்கை தலைகீழாய் மாறிப் போவதை அன்றாடம் காண்கிறோம். இந்நோய் வந்தவர்களுக்கு பொதுவாக அறுவை சிகிச்சை, கீமோ தெரபி, ரேடியேஷன் தெரபி, லேசர் சிகிச்சை மற்றும் அறிதாக ஸ்டெம் செல் மாற்றுச் சிகிச்சை என பல்வேறு சிகிச்சைகள் அளிக்கப் படுகின்றன.

கேன்சரிலிருந்து முழுவதுமாக மீண்டு வருபவர்கள் சொற்பமே. மேற்கூரிய சிசிக்கைகள் மூலம் கேன்சர் நோயாளிகளின் வாழ்நாள் சில பல ஆண்டுகள் நீட்டிக்கப்படுகின்றன. கேன்சர் சிகிச்சைகள் அதிக பொருள் செலவு பிடிக்கக் கூடியவை.

கேன்சரால் பாதிக்கப்பட்டவர்களுக்கு பெருமளவில் மாரல் சப்போர்ட்டும் பொருள் உதவியும் தேவைப்படும். மாரல் சப்போர்ட்டுக்கு நண்பர்களையும், உற்றார் உறவினர்களையும் சேர்த்தாலும் கேன்சர் சிகிச்சைக்குத் தேவைப்படும் அளவுக்கு பணம் சேர்ப்பது கடினம். இப்பிரச்சனையைத் தீர்க்கும் அருமருந்தாக வந்திருப்பது எல் ஐ சியின் கேன்சர் கவர் பாலிசி. இத்திட்டம் கடந்த நவம்பர் மாதம் அறிமுகப்படுத்தப்பட்டு உள்ளது.

இது ஒரு Non-linked, Regular premium payment Health Insurance Plan. இதில் 20 வயது முதல் 65 வயது வரை உள்ளோர் சேரலாம். குறைந்தபட்சமாக 10 லட்சரூபாயும் அதிகபட்சமாக 50 லட்சரூபாயும் காப்பீட்டின் அளவு நிர்ணயிக்கப் பட்டுள்ளது. 
காப்பீட்டின் கால அளவு குறைந்த பட்சம் 10 வருடம் அதிக பட்சம் 30 வருடம் அதே நேரத்தில் காப்பீடு முடியும் காலம் 50 வயது முதல் 75 வயதுக்குள் இருக்குமாறு பார்த்துக் கொள்ள வேண்டும் , அதாவது 20 வயதில் நீங்கள் இந்த பாலிசியை எடுத்தால் 30 ஆண்டு காலம் எடுக்க வேண்டும். ஒரு வேளை நீங்க இந்த பாலிசியை 50 வயதில் எடுத்தால் காப்பீடடு 25 வருடங்களுக்கு மட்டுமே வழங்கப் படும்

இந்த பாலிசியிம் ப்ரீமியம் ஆண்டுக்கொரு முறையோ அல்லது அரையாண்டுக்கொரு முறையோ செலுத்தப்பட வேண்டும். ஆயுள் காப்பிட்டுத் திட்டங்களைப் போல் காலாண்டுக்கொரு முறையோ மாதாமாதமோ செலுத்தும் வசதி தற்போது இல்லை. இந்தத் திட்டம் இந்தியாவில் வசிக்கும் இந்தியர்களுக்கு மட்டுமே தற்போது வழங்கப்படுகிறது. எல் ஐ சியின் பிற திட்டங்களைப் போல் இதில் என் ஆர் ஐக்கள் பங்கு பெற முடியாது.

எல் ஐ சி கேன்சர் கவரின் காப்பீட்டுத் தொகை (Sum Insured) பாலிசி காலம் முழுவது மாறாமல் இருக்குமாறும், பாலிசி ஆரம்பித்து ஒராண்டுக்குப் பிறது ஆண்டுக்கு 10% அதிகரிக்கவும் என இரண்டு ஆப்சன்களை எல் ஐ சி நிறுவனம் வழங்குகிறது. தற்போதைய வருமானத்தில் 40 லட்சரூபாய் காப்பீட்டுக்கு ப்ரீமியம் கட்ட முடியாது, ஆனால் வரும் ஆண்டுகளில் வருமானம் கூடும் அதிக ப்ரீமியம் செலுத்த முடியும் என நினைப்போர் இரண்டாவது ஆப்சனை தெரிவு செய்யலாம். அவர்கள் முதலில் 25 லட்ச ரூபாய்க்கு எடுக்கும் பாலிசி ஆண்டுக்கு 10% உயர்ந்து 5 ஆண்டுகளில் 40 லட்ச ரூபாய் அளவை எட்டும். 
பாலிசியின் பயன்கள் 
1. பயனருக்கு Early Stage Cancer இருப்பது உறுதி செய்யப் பட்டால், காப்பீட்டுத் தொகையில் 25% பணமாக வழங்கப் படும், மேலும் மூன்றாண்டுகளுக்கு ப்ரீமியம் கட்டுவதிலிருந்து விலக்கும் வழங்கப் படும்

2. பயனருக்கு Major Stage Cancer இருப்பது உறுதி செய்யப்பட்டால், முழு காப்பீட்டுத் தொகையும் உடனே வழங்கப்படும். ஒரு வேளை பயனருக்கு ஆரம்ப நிலை கேன்சர் கண்டறியப்பட்டு 25% தொகை வழங்கப்பட்டபின் கேன்சர் முற்றி மேஜர் ஸ்டேஜுக்குப் போனால் அப்போது 75% வழங்கப்படும். பாலிசியின் இரண்டாவது பயனாக பத்தாண்டுகளுக்கு காப்பீட்டு அளவின் 1% மாதாமாதம் வழங்கப்படும். 50 லட்சரூபாய் பாலிசி எடுத்த ஒருவருக்கு மேஜர் ஸ்டேஜ் கேன்சர் உறுதியானால், அவருக்கு உடனடியாக 50 லட்சரூபாயும் மேலும் அப்போதிலிருந்து பத்தாண்டுகளுக்கு மாதாமாதம் 50,000ரூபாய் பணமும் கிடைக்கும். இடையில் பயனர் இறக்க நேரிட்டாலும் அவருடைய வாரிசுக்கு பத்தாண்டு காலம் முழுவதும் இத்தொகை வழங்கப்படும். 
பாலிசியின் மூன்றாவது பயனாக மேஜர் ஸ்டேஜ் கேன்சர் உறுதியான பிறகு ப்ரீமியம் தொகை செலுத்துவதிலிருந்து முழுமையாக விலக்கு அளிக்கப் படுகிறது.

பீரிமியம் தொகை 
30 வயது ஆண், 50 லட்ச ரூபாய் காப்பீடு, 30 ஆண்டுகாலம் என்ற உதாரணத்துக்கு ப்ரீமியம் தொகை ஆண்டுக்கு ரூ 7254 மற்றும் ரூ 1306 வரி ஆக மொத்தம் ரூ 8560. உங்களுக்கான ப்ரீமியம் தொகையை எல் ஐ சியின் இணையதளமான www.licindia.inஇங்கு காணலாம்.

தெரிந்து கொள்ள வேண்டிய பிற விவரங்கள் 
இந்த பாலிசியை எல் ஐ சியின் முகவர்களிடமும் பெறலாம் அல்லது எல் ஐ சியின் இணையதளத்தில் நேரடியாகவும் வாங்கலாம். இணைய தளம் மூலம் வாங்கும் போது ப்ரீமியம் தொகையில் 7% தள்ளுபடி பெறலாம்

கவரேஜ் பாலிசி வாங்கிய தினத்திலிருந்து 180 நாட்களுக்குப் பிறகே தொடங்கும்.

பொதுவாக ஆயுள் காப்பீட்டுத் திட்டங்களில் திட்டகாலம் முழுவதும் ப்ரீமியம் தொகை மாறாது. கேன்சர் கவர் திட்டத்தில் ப்ரீமியம் தொகை ஐந்தாண்டுகளுக்கு மட்டுமே நிச்சயம். அதற்கப்புறம் நிர்ணயிக்கப்படும் ப்ரீமியத் தொகை அடுத்த ஐந்தாண்டுகளுக்கு மாறாமல் இருக்கும்.

இந்த பாலிசியையும் பிற மெடிகல் இன்சூரன்ஸ் பாலிசிக்களையும் போட்டு குழப்பிக் கொள்ள வேண்டாம். இந்த பாலிசி எடுத்தாச்சு வேற மெடிகல் இன்சூரன்ஸ் தேவையில்லை என எண்ண வேண்டாம். இது கேன்சர் நோய்க்கு மட்டுமான ப்ரத்யேகமான பாலிசி

இந்த பாலிசியின் குறைகள் என்று பார்த்தால் பாலிசியின் அம்சங்களைத்தான் சொல்ல வேண்டும். அதிகபட்ச காப்பீட்டு அளவு 50 லட்ச ரூபாய்தான், வருங்காலத்தில் எல் ஐ சி இதை அதிகப்படுத்த வேண்டும். அதே போல அதிகபட்சமாக 30 ஆண்டுகாலம் மட்டுமே பாலிசி எடுக்க முடியும். ஆயுள் காப்பீடு சம்பாதிக்கும் காலம் வரை மட்டும் போதும் ஆனால் இது போன்ற பாலிசிகள் உயிருடன் இருக்கும் வரை தேவை. இந்த இரண்டு மாற்றங்களையும் எல் ஐ சி எதிர்காலத்தில் கொண்டு வந்தால் இந்த பாலிசி முழுமையடையும்.

கேன்சர் எனும் கொடிய நோய் யாருக்கும் வர வேண்டாம். அப்படி வந்துவிட்டால் குறைந்தபட்சம் மருத்துவச் செலவுக்கு என்ன செய்வது என்று யோசிக்காமல் இருக்க இந்த பாலிசி உதவும். ”கடவுளை நம்பு ஆனால் கதவை பூட்டு” என்ற சொலவடைக்கு ஏற்ப கேன்சர் உருவாக்கும் பொருட்களான புகையிலை, மது போன்றவற்றை தவிர்ப்போம் அதையும் மீறி கேன்சர் வந்தால் சிகிச்சை உதவிக்கு காப்பீட்டை நாடுவோம்

Please follow and like us:
error

LIC யின் பங்குச்சந்தை முதலீடுகள்

டெர்ம் பாலிசியைத் தவிர வேறெந்த ஆயுள் காப்பீட்டையும் வாங்காதீங்கன்னு எவ்வளவுதான் சொன்னாலும் இந்தப் பாலிசி நல்லாருக்குன்னு சொல்றாங்களே? ஏஜெண்ட் இதுல போட்டா நல்ல ரிட்டர்ன்ஸ் இருக்கும்னு சொல்றாரே? வங்கியில் இந்த இன்சூரன்ஸ் பால்சியில் 8% கேரண்டீட் ரிட்டர்னு சொல்றாங்களே? இது நல்ல முதலீடான்னு கேட்பது நிற்கவேயில்லை

நேரடி / மியூச்சுவல் ஃபண்ட் வழிப் பங்குச் சந்தை முதலீடு எல்லாம் ரிஸ்க்குங்க, காப்பீட்டு நிறுவனங்கள் வழங்கும் எண்டோமெண்ட் / ஹோல் லைஃப் பாலிசியில் முதலீடு செய்தா கேரண்டீட் ரிட்டர்ன் கிடைக்கும்னு நினைக்கறாங்க பலபேர்.

இவர்களிடம் நான் கேட்க விரும்பும் இரு கேள்விகள்

1. எந்த எண்டோமெண்ட் பாலிசிலியிலும் ரிட்டர்ன்ஸ் குறித்து எவ்வித கேரண்டியும் கிடையாது என்பது உங்களுக்குத் தெரியுமா?

2. வங்கியில் நீங்கள் வைக்கும் பணம்தான் (சேமிப்புக் கணக்கிலோ வைப்பு நிதியிலோ) அதன் மூலப்பொருள். 4 முதல் 7% வட்டிக்கு வங்கி உங்களிடம் பணம் வாங்கி அதை 9-18 % வட்டிக்கு விற்கிறது. உங்களிடம் ஒரு லட்ச ரூபாய் வட்டிக்கு வாங்கி கணக்கில் வைத்தால் வங்கி தோராயமாக 4- 5 லட்ச ரூபாயை Fractional Reserve Lending மூலம் கடன் கொடுக்கும். இதன் மூலம் வங்கி வருமானம் பெறுகிறது. பணத்தை மூலதனமாக வைத்து நிதி நிறுவனம் நடத்தாத காப்பீட்டு நிறுவனம் எப்படி வங்கியை விட அதிக வட்டி தரும் என எதிர்பார்க்கிறீர்கள்?

இந்தியாவை பொருத்த வரை எல் ஐ சி தான் மிகப்பெரிய காப்பீட்டு நிறுவனம். அது தன்னிடம் உள்ள பணத்தை என்ன செய்கிறது என்று பார்த்தால் உங்களுக்கே புரியும்.

சார், ஷேர்லாம் ரிஸ்க் – மொத்த முதலும் கோவிந்தாவாகிடும், பாலிசில போட்டீங்கன்னா கேரண்டீட் ரிட்டர்ன் என்று சொல்லி ஏஜெண்ட் ஜீவன் ஆனந்துக்கு வாங்கும் ப்ரீமியத்தை எல் ஐ சி பங்குச் சந்தையிலும் அரசு கடன் பத்திரன்களிலும்தான் முதலீடு செய்கிறது. அவற்றிலிருந்து எல் ஐ சி அள்ளி எடுக்கும் வருமானத்தில்தான் உங்களுக்கான போனஸ் கிள்ளித் தரப்படுகிறது.

இவ்வாறு பல ஆண்டுகளாக எல் ஐ சி முதலீடு செய்து வைத்திருக்கும் தொகை எவ்வளவு தெரியுமா?

(மே 2018 வரையிலான விவரங்கள்)

நேரடிப் பங்குகளில் முதலீடு – 4.6 லட்சம் கோடிகள்
ப்ரெஃபென்ஸ் ஷேர் 59 ஆயிரம் கோடிகள்
மியூச்சுவல் ஃபண்ட்கள் 25 ஆயிரம் கோடிகள்

அரசு கடன் பத்திரங்கள் 1.6 லட்சம் கோடி
பிர கடன் பத்திரங்கள் 25 ஆயிரம் கோடி
Debentures / Bonds 78 ஆயிரம் கோடி

2018 ல் மட்டும் எல் ஐ சி பங்குச் சந்தையில் முதலீடு செய்த தொகை 58,000 ஆயிரம் கோடி.

இதையெல்லாம் கூட்டி மொத்தமா எவ்வளவு எல் ஐ சி வச்சிருக்குன்னு பாத்துக்கோங்க

எல் ஐ சி முதலீடு செய்திருக்கும் பங்குகள், அரசின் கடன் பத்திரங்கள் அனைத்திலும் நாமும் நேரடியாகவோ மியூச்சுவல் ஃபண்ட்கள் மூலமோ முதலீடு செய்ய முடியும். எல் ஐ சி யின் போர்ட்ஃபோலியோ திறமையாக நிர்வகிக்கப் படுகிறது என்பது உண்மையே – ஆனால் அதே அளவு திறமையுடன் நிர்வகிக்கப்படும் மியூச்சுவல் ஃபண்ட் திட்டங்களும் உள்ளன.

நொடித்துப் போன நிறுவனங்களை எல் ஐ சியின் தலையில் கட்டுவதை மத்திய அரசு ஒரு பழக்கமாவே வச்சிருக்கு. அது போன்ற நிர்பந்தங்கள் இல்லாத மியூச்சுவல் ஃபண்ட்கள் எல் ஐ சியை விட சிறப்பாக போர்ட்ஃபோலியோவை நிர்வகிக்க முடியும்

எல் ஐ சியின் போர்ட்ஃபோலியோ எவ்வளவு வருமானம் ஈட்டினாலும் எண்டோமெண்ட் பாலிசிகளில் 5-6% க்கு மேல் ரிட்டர்ன் கிடைக்கப் போவதில்லை. எல்லோரும் பயமுறுத்தறா மாதிரி பங்குச் சந்தை மொத்தமா வீழ்ந்தால் காப்பீடு நிறுவனங்களும் போனஸ் வழங்க முடியாது. மியூச்சுவல் ஃபண்ட்களில் 1-2% கட்டணம் போக மிச்சத்தொகை முழுமையாக பங்குகளில் முதலீடு செய்யப்படுகிறது, வளர்ச்சியின் முழு பெனிஃபிட்டும் உங்களுக்கே

டெர்ம் பாலிசி தவிர மற்ற பாலிசிகள் தரும் காப்பிடும் பிரயோசனப்படாது முதலீடாகவும் அவை மோசமானவை என ஏன் சொல்கிறேன்

35 வயதுடைய ஒருத்தர் 30 ஆண்டுகாலம் காப்பீடு எடுக்கறார்னு வச்சிக்குவோம். அவர் வருமானம் ஆண்டுக்கு 5 லட்ச ரூபாய்.

ஜீவன் ஆனந்த் 35 வயது, 30 ஆண்டுகாலம் – இதுக்கு ப்ரீமியம் 1.9 லட்ச ரூபாய்

5 லட்ச ரூபாய் சம்பாதிக்கும் ஒருவரால் 2 லட்ச ருபாய் ப்ரீமியம் கட்டவே முடியாது

அதே ஆள் எல் ஐ சியின் இடெர்ம் பாலிசி எடுத்தால் (35 வயது, 30 ஆண்டுகள்) அதற்கு ப்ரீமியம் வெறும் 11,562 ரூபாய்கள்தான். அதாவது ஒரு நாளைக்கு வெறும் 31 ரூபாய்கள் மட்டுமே. இதை அவரால் சுலபமாக எடுக்க முடியும்.

இப்ப முதலீட்டுக்கு வருவோம். ஜீவன் ஆனந்த் பாலிசியின் முடிவில் கிடைக்கக் கூடிய தொகை 1.8 கோடி, அப்புறமும் காப்பீடு தொடரும், பாலிசிதாரர் இறக்கும் போது ஒரு 50 லட்சம் கிடைக்கும்.
அதற்கு பதிலாக 12 ஆயிரத்துக்கு எல் ஐ சியின் இடெர்ம் பாலிசி எடுத்துட்டு மிச்ச 178,000 ஐ மியூச்சுவல் ஃபண்டில் எஸ் ஐ பி முறையில் 30 ஆண்டுகள் முதலீடு செய்து வந்தால் உங்களிடம் 5 கோடி ரூபாய்கள் இருக்க நல்ல வாய்ப்புண்டு

இனியாவது உங்க ஓய்வு கால சேமிப்புக்கு எண்டோமெண்ட் பாலிசிகளை நம்பாமல் எல் ஐ சியே நம்பும் பங்குச் சந்தை முதலீடுகளை தேர்ந்தெடுங்கள்

எல் ஐ சியின் முதலீடு குறித்த தகவல்கள் 4/9/2018 அன்று மணிகண்ட்ரோல் தளத்தில் வெளியான கட்டுரையிலிருந்து எடுக்கப்பட்டன

Please follow and like us:
error